التقاعد المسبق

لمتقاعد المبكر حر وليس له برنامج معين وهذي حلاوتها !
صل الفجر وارجع نام الى تسع او عشر او احد عشر الصباح وقوم استحم واجلس تجيك القهوة والمسكرات والعلوم الزينه وتابع التلفزيون والاخبار ولا مانع من الاسهم ي وبعدها صلى الظهر واجلس على كمبوترك او تلفزيونك يجيك الغداء تغد وعين من الله خير واصل يومك للعصر توضى وروح صلى العصر وعلى طول محلك اللي تشتغل فيه لحسابك ولازم تصير تعمل بنفسك لاتسلم ذقنك للاجنبي يلعب بحلاك وتابع البيع والشراء وما تدري الا والمغرب ياذن صلى وارجع محلك للعشاء وبعد صلاة العشاء روح فلها تمشيات باي كوفي شوب او منتزه مع الاسره ولا تحمل هم الوقت لانك فري وارجع بيتك على الوحده مثلا تعش وشوف اخر اخبار الاسهم والاخبار العالمية وحلل اسهمك واختار لك سهم سهمين تضارب فيه يا مدمن الاسهم وبعدهم اذا عندك واجب اسري ولك نفس والا انخمد للفجر وهكذا
ثم يا اخي لا تقعد بالرياض طول الوقت كل اسبوعين ثلاثه خذ عيالك وفلها للشرقيه او مكة او اي مكان وغيروا جوا
برنامج اخر
الصباح روح لمحلك للظهر ثم تغدا وتابع امورك بالمحل للعصر وخذ كمبوترك معك تابع اسهمك وبعد العصر قول لللعيال جهزوا انفسكم بنروح نكشت بالبر او تاخذ شاليه وتبسطواا هم شي لاتصير بخيل وعش حياتك وبسط نفسك ومن حولك ممن يحبونك
بالليل ممكن تسير على ناس يحبونك وتحبهم والقلوب شواهد وابعد عن الناس اللي راعين اصوات عاليه وضحك هستيري فهؤلاء مرضانين نفسيا وتلقاهم يعلقون ويجيبون لك الضغط من بعض الحركات والالفاظ واي واحد ما ترتاح له قول له الله لا يهينك لا اشوفك ولا تشوفني لانك لست ملزم فيه يعني اهم شي راحتك النفسية
اشتر سياره حقت كد وفلها وناسه بين مدن المملكة خصوصا ( مكة والمدينة دينيا والطائف والباحة طبيعه واجواء والشرقية والجبيل بحر وصيد سمك ووو) انت والمره وعش حياتك
غير من اسلوب حياتك
اذا المره تغيرت عليك ودها عند اهلها كم يوم وتعقل وترجع زي الالف !!
لان بعض الحريم تسمع كلام اهلها ليه زوجك تقاعد وليه وليه ومن هالكلام قو لها خل اهلك ينفعون ومن يوسوس بعقلك اسبوعين وتحس بقيمتك وترجع ولا احلى
وش بعد وش بعد
ايه اسمع اذا حسيت نفسك فاضي غسل الحوش والسياره الخاصه وازرع بالبيت اذا انت عندك مساحه بالحوش هذا اذا انت عندك بيت
اقسم بالله اللذي رفع السماء بلا عمد يا التقاعد المبكرة انها حياه ولا اروع ولكن عبدة الدرهم والدينار يابون غير ذلك
واختم كلامي بشي واحد وهو لا تخلي خير البلد للاجنبي اعمل اي مشروع ولا تصير مدير كفانا مدير (( كلو سعودي مدير ))
سلام
مشكور على نصايحك ... لكن ماعندي محل ولا عندي خبره في الامور التجاريه ...لكن بشغل نفسي بمارسة الرياضه .
مبروك انفكيت من الاعتقال الأليف ....!!!

ما عليك سوى ادارة الوقت ؟؟
بعد صلاة الفجر اجلس في مصلاك او في البيت واقرأ اذكار الصباح والمساء...
- وضع لك جدول في جوالك تسجله في مذكرة الجوال بقراءة 3 اجزاء من القرآن يوميا ....
وهي سهلة تستغرق ساعة واحدة
- ثم يعد الشروق صل ركعتين ...
- اشتر سبحة قيمة 5 ريالات وتكون باللون الاصفر وعددها 99 حية
- وامشي لمدة نصف ساعة وانت تستغفر وتذكر الله تجد سعادة في قلبك لا تخطر على بالك
- ثم ارجع للبيت واغتسل ونام الى الساعة 10:30 ص
- قم صل ركعتين صلاة الضحى صلاة الاوابين
- وتقهوى وافطر
- ثم تابع السوق الى اغلاقة 4 ساعات ونصف الساعة هذا دوامك !!

بقية اليوم انت ادرى بظروفك ...

- ولا تنسى ان يكون لسانك رطب بذكر الله بالسبحة لانها تساعدك بعد الله في الذكر ... لان الانسان اذا حرك يدية لابد ان يتحرك اللسان !!!